كەلىسىم ۇزارتىلدى: «بارىس» حوككەي كلۋبى  امەريكالىق رايلي ۋولشقا قانشا اقشا تولەيدى

استانالىق كلۋب امەريكالىق قورعاۋشى رايلي ۋولشپەن كەلىسىمشارتتى رەسمي تۇردە 2027 جىلدىڭ 31 مامىرىنا دەيىن ۇزارتتى. «بارىستىڭ» ۇزدىك قورعاۋشىسى استانادا تاعى ءبىر جىل كولەمىندە جۇرەتىن بولدى. ۋولش قازاقستاندا نەبارى ءبىر ماۋسىم وتكىزسە دە, وسى ۋاقىت ىشىندە كوماندانىڭ نەگىزگى كوشباسشىلارىنىڭ بىرىنە جانە جانكۇيەرلەردىڭ سۇيىكتى ويىنشىسىنا اينالىپ ۇلگەردى.

امەريكالىق حوككەيشى قحل چەمپيوناتىندا 68 ماتچ وتكىزىپ, 46 ۇپاي جينادى. 16 گول سوعىپ, 30 ناتيجەلى پاس شىعارعان.

ناتيجەسىندە قورعاۋشى «بارىستىڭ» ەڭ ۇزدىك سۇرمەرگەن-قورعاۋشىسى اتانىپ قانا قويماي, بۇكىل ليگاداعى ەڭ ناتيجەلى بەس قورعاۋشىنىڭ قاتارىنا ەندى.

سونىمەن قاتار ءدال ۋولش استانالىق كلۋب ساپىندا مۇز ايدىنىندا ەڭ كوپ ۋاقىت وتكىزگەن ويىنشى بولدى. ول ورتا ەسەپپەن ءبىر ماتچتا 22 مينۋت ويناعان.

ال ويىنشىنىڭ ايلىق جالاقىسانا كەلەتىن بولساق, رەسەيلىك سپورت ساراپشىسى ميحايل ءزيسليستىڭ مالىمەت بويىنشا قورعاۋشىنىڭ ءبىر ماۋسىمداعى جالاقىسى 45 ملن ءرۋبلدى قۇرايدى. ءبىزدىڭ ۆاليۋتاعا اينالدىرعاندا بۇل شامامەن 297 ملن تەڭگە. الايدا «بارىس» كلۋبى ويىنشىلاردىڭ جالاقىسى تۋرالى ءتىس جارمايدى.

ايتا كەتەيىك,  وتكەن ماۋسىمدا «بارىس» چەمپيونات كەستەسىندە 10-شى ورىندا تۇراقتادى. كوماندا 68 ماتچتا 54 ۇپاي جيناعانىمەن, بۇل كورسەتكىش ولاردى پلەي-وفف كەزەڭىنە شىعارعان جوق. استانالىق كلۋب ماۋسىم بارىسىندا 154 شايبا سوقسا, ءوز قاقپاسىنا 208 شايبا جىبەرىپ الدى.